ದಟ್ಟ ಮತ್ತು ಆರೋಗ್ಯಕರ ಕೂದಲನ್ನು ಬೆಳೆಸಲು ನೆರವಾಗುವ ಅತ್ಯುತ್ತಮ ಆಹಾರಗಳು

ನಿಮ್ಮ ಕೂದಲು ನಿಮ್ಮ ಒಟ್ಟಾರೆ ಆರೋಗ್ಯದ ಪ್ರತಿಬಿಂಬವಾಗಿದೆ. ನೀವು ಏನು ತಿನ್ನುತ್ತೀರಿ ಎಂಬುದು ಕೂದಲು ಎಷ್ಟು ಬಲಿಷ್ಠವಾಗಿರುತ್ತದೆ ಹಾಗೂ ದಟ್ಟವಾಗಿರುತ್ತದೆ ಎಂಬುದರಲ್ಲಿ ಪ್ರಮುಖ ಪಾತ್ರವನ್ನು ವಹಿಸುತ್ತದೆ. ಕೂದಲಿನ ಬೆಳವಣಿಗೆಗೆ ಸರಿಯಾದ ಆಹಾರ ಸೇವಿಸುವುದರಿಂದ ನಿಮ್ಮ ತಲೆಕೂದಲನ್ನು ಪೋಷಿಸಲು, ಬೇರುಗಳನ್ನು ಬಲಪಡಿಸಲು ಮತ್ತು ಕೂದಲಿನ ರಚನೆಯನ್ನು ಸುಧಾರಿಸಲು ಸಹಾಯ ಆಗುತ್ತದೆ.

ಈ ಬರಹವು ಆರೋಗ್ಯಕರ, ದಟ್ಟ ಕೂದಲು ಬೆಳೆಯಲು ನೆರವಾಗುವ ದೈನಂದಿನ, ಸರಳ ಆಹಾರಗಳ ಕುರಿತು ವಿವರವಾದ ಮಾಹಿತಿಯನ್ನು ತಿಳಿಸುತ್ತದೆ.

ಕೂದಲಿನ ಬೆಳವಣಿಗೆಗೆ ಆಹಾರ ಏಕೆ ತುಂಬಾ ಮುಖ್ಯ?

ಕೂದಲಿನ ಆರೋಗ್ಯದ ವಿಷಯಕ್ಕೆ ಬಂದಾಗ, ನೀವು ತಿನ್ನುವ ಆಹಾರವು ಹೊರಗಿನಿಂದ ನೀವು ಕೂದಲ ಆರೈಕೆಗೆ ತೋರುವ ಕಾಳಜಿಯಷ್ಟೇ ಮುಖ್ಯವಾಗಿದೆ. ನಿಮ್ಮ ಕೂದಲು ಬೆಳೆಯಲು, ಬಲವಾಗಿರಲು ಮತ್ತು ಅತ್ಯುತ್ತಮವಾಗಿ ಕಾಣಲು ಸರಿಯಾದ ಪೋಷಣೆಯ ಅಗತ್ಯವಿದೆ. ಆಹಾರವು ಏಕೆ ಇಷ್ಟೊಂದು ವ್ಯತ್ಯಾಸವನ್ನುಂಟುಮಾಡುತ್ತದೆ ಎಂಬ ವಿವರ ಇಲ್ಲಿದೆ:

·       ಕೂದಲಿನ ರಚನೆಗೆ ಬೆಂಬಲ: ಕೂದಲು ಪ್ರೋಟೀನ್‌ ನಿಂದ ಮಾಡಲ್ಪಟ್ಟಿದೆ. ಸಾಕಷ್ಟು ಪ್ರೋಟೀನ್- ಸಮೃದ್ಧ ಆಹಾರಗಳನ್ನು ತಿನ್ನುವುದರಿಂದ ಕೂದಲಿನ ರಚನೆಯನ್ನು ಬೆಳೆಸಲು ಮತ್ತು ಹೊಸ ಬೆಳವಣಿಗೆಗೆ ಸಹಾಯ ಮಾಡುತ್ತದೆ.

·       ತಲೆಕೂದಲಿಗೆ ರಕ್ತದ ಹರಿವನ್ನು ಹೆಚ್ಚಿಸುತ್ತದೆ: ಕಬ್ಬಿಣ ಮತ್ತು ಒಮೆಗಾ-3 ಫ್ಯಾಟಿ ಆಸಿಡ್ ಗಳಂತಹ ಪೌಷ್ಟಿಕಾಂಶಗಳು ರಕ್ತ ಪರಿಚಲನೆಯನ್ನು ಸುಧಾರಿಸುತ್ತವೆ, ತಲೆಕೂದಲಿಗೆ ಅಗತ್ಯವಾದ ಆಮ್ಲಜನಕ ಮತ್ತು ಪೋಷಣೆಯನ್ನು ಒದಗಿಸುತ್ತವೆ.

·       ಕೂದಲಿನ ತೆಳುವಾಗುವಿಕೆಯನ್ನು ತಡೆಯುತ್ತದೆ: ಪ್ರಮುಖ ವಿಟಮಿನ್‌ಗಳು ಮತ್ತು ಖನಿಜಗಳ ಕೊರತೆಯಿಂದ ಕೂದಲಿನ ತಂತುಗಳು ದುರ್ಬಲವಾಗಬಹುದು, ಕೂದಲು ಮುರಿಯಬಹುದು ಅಥವಾ ಕಾಲಾನಂತರ ಕೂದಲು ಉದುರುವಿಕೆಗೆ ಕಾರಣವಾಗಬಹುದು.

·       ನೈಸರ್ಗಿಕ ಹೊಳಪು ಮತ್ತು ತೇವಾಂಶವನ್ನು ಉಂಟುಮಾಡುತ್ತದೆ: ಆಹಾರದಿಂದ ದೊರಕುವ ಆರೋಗ್ಯಕರ ಕೊಬ್ಬುಗಳು ಮತ್ತು ಆಂಟಿಆಕ್ಸಿಡೆಂಟ್‌ಗಳು ಕೂದಲನ್ನು ತೇವಾಂಶಯುಕ್ತ, ನಯವಾದ ಮತ್ತು ಹೊಳಪಿನಿಂದ ಕೂಡಿರುವ ಕೂದಲಿನಂತೆ ಮಾಡುತ್ತವೆ.

·       ತಲೆತೊಗಲಿನ ಆರೋಗ್ಯ ಕಾಪಾಡಲು ಸಹಾಯ ಮಾಡುತ್ತದೆ: ಸಮತೋಲಿತ ಡಯಟ್ ತಲೆಕೂದಲಿನ ಸ್ವಾಭಾವಿಕ ಸಮತೋಲನವನ್ನು ಕಾಪಾಡುತ್ತದೆ, ಒಣಗುವಿಕೆ ಅಥವಾ ಕಿರಿಕಿರಿಯ ಸಾಧ್ಯತೆಯನ್ನು ಕಡಿಮೆ ಮಾಡುತ್ತದೆ.

·       ಒತ್ತಡ ಸಂಬಂಧಿತ ಕೂದಲಿನ ಸಮಸ್ಯೆಗಳನ್ನು ಎದುರಿಸುತ್ತದೆ: ಮೆಗ್ನೀಷಿಯಂ ಮತ್ತು ಬಿ ವಿಟಮಿನ್‌ಗಳಂತಹ ಪೌಷ್ಟಿಕಾಂಶಗಳು ಒತ್ತಡವನ್ನು ನಿರ್ವಹಿಸಲು ಸಹಾಯ ಮಾಡುತ್ತವೆ, ಇದು ಸಾಮಾನ್ಯವಾಗಿ ಕೂದಲು ಉದುರಿಕೆಯನ್ನು ಕಡಿಮೆ ಮಾಡಬಹುದಾಗಿದೆ.

·       ಕೂದಲಿನ ರಚನೆ ಮತ್ತು ಬೆಳವಣಿಗೆಯನ್ನು ಸುಧಾರಿಸುತ್ತದೆ: ಅಗತ್ಯ ಪೌಷ್ಟಿಕಾಂಶಗಳ ಸ್ಥಿರ ಸೇವನೆಯು ಕೂದಲನ್ನು ದಟ್ಟವಾಗಿ, ವೇಗವಾಗಿ ಮತ್ತು ಹೆಚ್ಚು ಗಟ್ಟಿಯಾಗಿ ಬೆಳೆಯಲು ಸಹಾಯ ಮಾಡುತ್ತದೆ.

ಆರೋಗ್ಯಕರ ಕೂದಲನ್ನು ಹೊಂದಲು ಸರಿಯಾದ ಆಹಾರ ರೀತಿಗಳನ್ನು ಪಾಲಿಸುವುದು ಕಷ್ಟವಲ್ಲ. ದೈನಂದಿನ ಊಟದಲ್ಲಿ ಸರಳ ಬದಲಾವಣೆಗಳನ್ನು ಮಾಡುವ ಮೂಲಕ ನಿಮ್ಮ ಕೂದಲನ್ನು ದಟ್ಟ ಮತ್ತು ಆರೋಗ್ಯಕರವಾಗಿ ಬೆಳೆಯಲು ಅಗತ್ಯವಾದ ಅಡಿಪಾಯವನ್ನು ಹಾಕಬಹುದು.

ಕೂದಲಿನ ಬೆಳವಣಿಗೆಗೆ ಯಾವ ವಿಟಮಿನ್‌ಗಳು ಮತ್ತು ಮಿನರಲ್ ಗಳು ಅಗತ್ಯ?

ಬಲವಾದ, ಆರೋಗ್ಯಕರ ಕೂದಲನ್ನು ಬೆಳೆಸಲು ನಿಮ್ಮ ದೇಹಕ್ಕೆ ವಿವಿಧ ಪೌಷ್ಟಿಕಾಂಶಗಳ ಅಗತ್ಯವಿದೆ. ನಿಮ್ಮ ಆಹಾರದಲ್ಲಿ ಪ್ರಮುಖ ಅಂಶಗಳ ಕೊರತೆಯಿದ್ದರೆ, ನಿಮ್ಮ ಕೂದಲು ಚೆನ್ನಾಗಿ ಬೆಳೆಯದಿರಬಹುದು.

ನೀವು ಗಮನ ಕೇಂದ್ರೀಕರಿಸಬೇಕಾದ ಪ್ರಮುಖ ವಿಟಮಿನ್‌ಗಳು ಮತ್ತು ಮಿನರಲ್ ಗಳ ವಿವರ ಇಲ್ಲಿವೆ:

·       ಬಯೋಟಿನ್ (ವಿಟಮಿನ್ ಬಿ7): ಕೂದಲಿನ ಬೆಳವಣಿಗೆಗೆ ಅತ್ಯಂತ ಮುಖ್ಯವಾದ ವಿಟಮಿನ್‌ ಗಳಲ್ಲಿ ಒಂದಾಗಿದ್ದು, ಇದು ಕೂದಲನ್ನು ರೂಪಿಸುವ ಕೆರಾಟಿನ್ ಉತ್ಪಾದನೆಯನ್ನು ಬೆಂಬಲಿಸುತ್ತದೆ.

·       ಕಬ್ಬಿಣ: ಕೆಂಪು ರಕ್ತ ಕಣಗಳು ಕೂದಲಿನ ಕಿರುಕೋಶಗಳಿಗೆ ಆಮ್ಲಜನಕವನ್ನು ಒಯ್ಯಲು ಸಹಾಯ ಮಾಡುತ್ತದೆ, ಬೆಳವಣಿಗೆಯನ್ನು ಉಂಟುಮಾಡುತ್ತದೆ.

·       ಜಿಂಕ್: ಅಂಗಾಂಶ ದುರಸ್ತಿಗೆ ಸಹಾಯ ಮಾಡುತ್ತದೆ ಮತ್ತು ಕಿರುಕೋಶಗಳ ಸುತ್ತಲಿನ ಎಣ್ಣೆ ಗ್ರಂಥಿಗಳು ಸರಿಯಾಗಿ ಕಾರ್ಯನಿರ್ವಹಿಸುವಂತೆ ನೋಡಿಕೊಳ್ಳುತ್ತದೆ.

·       ವಿಟಮಿನ್ ಎ: ಕೋಶ ಬೆಳವಣಿಗೆಯನ್ನು ಉತ್ತೇಜಿಸುತ್ತದೆ ಮತ್ತು ತಲೆಯ ತೊಗಲು ಆರೋಗ್ಯಕರ ಎಣ್ಣೆಗಳನ್ನು ಉತ್ಪಾದಿಸಲು ಸಹಾಯ ಮಾಡುತ್ತದೆ.

·       ವಿಟಮಿನ್ ಸಿ: ಒಂದು ಶಕ್ತಿಶಾಲಿ ಆಂಟಿಆಕ್ಸಿಡೆಂಟ್ ಆಗಿದ್ದು, ದೇಹಕ್ಕೆ ಕಬ್ಬಿಣವನ್ನು ಹೀರಿಕೊಳ್ಳಲು ಸಹಾಯ ಮಾಡುತ್ತದೆ ಮತ್ತು ಕಾಲಜೆನ್ ಉತ್ಪಾದನೆಯನ್ನು ಬೆಂಬಲಿಸುತ್ತದೆ.

·       ವಿಟಮಿನ್ ಇ: ಕೂದಲನ್ನು ಆಕ್ಸಿಡೇಟಿವ್ ಒತ್ತಡದಿಂದ ರಕ್ಷಿಸುತ್ತದೆ, ಒಟ್ಟಾರೆ ತಲೆಕೂದಲಿನ ಆರೋಗ್ಯವನ್ನು ಉತ್ತೇಜಿಸುತ್ತದೆ.

·       ಒಮೆಗಾ-3 ಫ್ಯಾಟಿ ಆಸಿಡ್ ಗಳು: ಕೂದಲಿನ ಕಿರುಕೋಶಗಳಿಗೆ ಪೋಷಣೆಯನ್ನು ಒದಗಿಸುತ್ತವೆ ಮತ್ತು ಒಣಗುವಿಕೆಯನ್ನು ತಡೆಯಲು ಸಹಾಯ ಮಾಡುತ್ತವೆ.

·       ಮೆಗ್ನೀಷಿಯಂ: ಉರಿಯೂತವನ್ನು ಕಡಿಮೆ ಮಾಡುತ್ತದೆ ಮತ್ತು ಒತ್ತಡವನ್ನು ನಿರ್ವಹಿಸುತ್ತದೆ. ಇವೆರಡೂ ಕೂದಲಿನ ಬೆಳವಣಿಗೆಯ ಮೇಲೆ ಪರಿಣಾಮ ಬೀರಬಹುದಾಗಿದೆ.

·       ಪ್ರೋಟೀನ್: ಸಾಕಷ್ಟು ಪ್ರೋಟೀನ್ ಇಲ್ಲದಿದ್ದರೆ, ಕೂದಲು ಒಣಗಬಹದು ಮತ್ತು ಒಡೆಯಬಹುದು.

ಆರೋಗ್ಯಕರ ಕೂದಲಿಗೆ ಸಮತೋಲಿತ ಡಯಟ್ ಪಾಲಿಸುವ ಕಡೆಗೆ ಗಮನ ಕೇಂದ್ರೀಕರಿಸುವ ಮೂಲಕ, ನೀವು ಒಳಗಿನಿಂದಲೇ ಬಲವಾದ, ಹೆಚ್ಚು ಗಟ್ಟಿಯಾದ ಕೂದಲನ್ನು ಬೆಳೆಸಲು ದೇಹಕ್ಕೆ ಅಗತ್ಯವಾದ ಆಹಾರವನ್ನು ಒದಗಿಸುತ್ತೀರಿ.

ಕೂದಲಿನ ಬೆಳವಣಿಗೆಗೆ ನೆರವಾಗುವ 13 ಉತ್ತಮ ಆಹಾರಗಳು

ನೀವು ಪ್ರತಿದಿನ ತಿನ್ನುವ ಆಹಾರವು ನಿಮ್ಮ ಕೂದಲಿನ ಮೇಲೆ ನೇರ ಪರಿಣಾಮ ಬೀರುತ್ತದೆ. ಸರಿಯಾದ ಆಹಾರಗಳೊಂದಿಗೆ ಸಮತೋಲಿತ ಡಯಟ್ ನಿಮ್ಮ ಕೂದಲಿನ ತಂತುಗಳನ್ನು ದಟ್ಟವಾಗಿ, ಬಲವಾಗಿ ಮತ್ತು ಆರೋಗ್ಯಕರವಾಗಿ ಬೆಳೆಯಲು ಸಹಾಯ ಮಾಡುತ್ತದೆ.

ನಿಮ್ಮ ಊಟದಲ್ಲಿ ಸೇರಿಸಬೇಕಾದ ಕೂದಲಿನ ಬೆಳವಣಿಗೆಗೆ ನೆರವಾಗುವ 13 ಉತ್ತಮ ಆಹಾರಗಳು ಇಲ್ಲಿವೆ:

ಮೊಟ್ಟೆಗಳು

ಮೊಟ್ಟೆಗಳು ಪ್ರೋಟೀನ್ ಮತ್ತು ಬಯೋಟಿನ್‌ನ ಉತ್ತಮ ಮೂಲವಾಗಿದ್ದು, ಇವೆರಡೂ ಕೂದಲಿನ ಶಕ್ತಿ ಮತ್ತು ರಚನೆಗೆ ಅತ್ಯಗತ್ಯ.

• ಕೂದಲಿನ ರಚನೆಯನ್ನು ಬೆಂಬಲಿಸಲು ಉತ್ತಮ-ಗುಣಮಟ್ಟದ ಪ್ರೋಟೀನ್ ಒದಗಿಸುತ್ತವೆ
• ಕೂದಲಿನ ಬೆಳವಣಿಗೆಗೆ ಪ್ರಮುಖ ವಿಟಮಿನ್ ಆಗಿರುವ ಬಯೋಟಿನ್‌ನಿಂದ ಸಮೃದ್ಧವಾಗಿವೆ
• ತಲೆಕೂದಲಿನ ಆರೋಗ್ಯವನ್ನು ಉತ್ತೇಜಿಸುವ ಜಿಂಕ್ ಮತ್ತು ಸೆಲೆನಿಯಂ ಅನ್ನು ಒಳಗೊಂಡಿವೆ
• ಬಲವಾದ ಕೂದಲಿಗಾಗಿ ಕೆರಾಟಿನ್ ಉತ್ಪಾದನೆಯನ್ನು ಉತ್ತೇಜಿಸುತ್ತವೆ

ಬೆರಿಗಳು

ಆಂಟಿಆಕ್ಸಿಡೆಂಟ್‌ಗಳು ಮತ್ತು ವಿಟಮಿನ್ ಸಿ ಯಿಂದ ತುಂಬಿರುವ ಬೆರಿಗಳು ಕೂದಲಿನ ಕಿರುಕೋಶಗಳನ್ನು ರಕ್ಷಿಸಲು ಮತ್ತು ಕಬ್ಬಿಣದ ಅಂಶಗಳ ಹೀರಿಕೊಳ್ಳುವಿಕೆಗೆ ಸಹಾಯ ಮಾಡುತ್ತವೆ.

• ಕಾಲಜನ್ ಉತ್ಪಾದನೆಯನ್ನು ಉತ್ತೇಜಿಸಲು ವಿಟಮಿನ್ ಸಿ ಯಿಂದ ಸಮೃದ್ಧವಾಗಿವೆ
• ಕೂದಲು ಉದುರಿಕೆಯನ್ನು ತಡೆಯಲು ಕಬ್ಬಿಣ ಅಂಶವನ್ನು ಉತ್ತಮವಾಗಿ ಹೀರಿಕೊಳ್ಳಲು ಸಹಾಯ ಮಾಡುತ್ತವೆ
• ಕೂದಲಿನ ಕಣಗಳನ್ನು ಹಾನಿಯಿಂದ ರಕ್ಷಿಸುವ ಆಂಟಿಆಕ್ಸಿಡೆಂಟ್‌ಗಳನ್ನು ಒಳಗೊಂಡಿವೆ
• ಬಲವಾದ, ಹೆಚ್ಚು ದೃಢವಾದ ತಂತುಗಳು ಉಂಟಾಗುವಂತೆ ಮಾಡುತ್ತವೆ

ಪಾಲಕ್

ಈ ಪಾಲಕ್ ತಲೆಕೂದಲು ಮತ್ತು ಕೂದಲಿನ ಆರೋಗ್ಯವನ್ನು ಬೆಂಬಲಿಸುವ ಪೌಷ್ಟಿಕಾಂಶಗಳಿಂದ ತುಂಬಿರುತ್ತದೆ.

• ಕಬ್ಬಿಣ ಅಂಶ ಹೊಂದಿರುವ ಸಸ್ಯ-ಆಧಾರಿತ ಶ್ರೀಮಂತ ಮೂಲವಾಗಿದೆ
• ಉತ್ತಮ ತಲೆಕೂದಲಿನ ತೇವಾಂಶಕ್ಕಾಗಿ ಫೋಲೇಟ್ ಮತ್ತು ವಿಟಮಿನ್ ಎ ಒಳಗೊಂಡಿವೆ
• ಬೇರುಗಳಿಗೆ ರಕ್ತ ಪರಿಚಲನೆಯನ್ನು ಸುಧಾರಿಸುವ ವಿಟಮಿನ್ ಸಿ ಯಿಂದ ಸಮೃದ್ಧವಾಗಿವೆ
• ಆರೋಗ್ಯಕರ ಸೀಬಮ್ ಉತ್ಪಾದನೆಗೆ ನೆರವಾಗುತ್ತದೆ

ಕೊಬ್ಬಿನ ಮೀನು

ಸಾಲ್ಮನ್, ಸಾರ್ಡೀನ್‌ ಗಳು (ಮತ್ತಿ) ಮತ್ತು ಮ್ಯಾಕರೆಲ್‌ ಗಳು (ಬಂಗುಡೆ) ನಿಮ್ಮ ಕೂದಲು ಇಷ್ಟಪಡುವ ಪೌಷ್ಟಿಕಾಂಶಗಳಿಂದ ತುಂಬಿವೆ.

• ಕಿರುಕೋಶಗಳ ಪೋಷಣೆಗಾಗಿ ಒಮೆಗಾ-3 ಫ್ಯಾಟಿ ಆಸಿಡ್ ಗಳನ್ನು ಒಳಗೊಂಡಿವೆ
• ಪ್ರತಿ ತಂತುವನ್ನು ಬಲಪಡಿಸಲು ಪ್ರೋಟೀನ್‌ನಿಂದ ಸಮೃದ್ಧವಾಗಿವೆ
• ಹೊಸ ಕಿರುಕೋಶ ಬೆಳವಣಿಗೆಯನ್ನು ಬೆಂಬಲಿಸುವ ವಿಟಮಿನ್ ಡಿ ಒಳಗೊಂಡಿವೆ
• ತಲೆಕೂದಲಿನ ಒಣಗುವಿಕೆ ಮತ್ತು ಕಿರಿಕಿರಿಯನ್ನು ಕಡಿಮೆ ಮಾಡುತ್ತವೆ

ಸಿಹಿಗೆಣಸು

ಸಿಹಿಗೆಣಸು ಬೀಟಾ-ಕೆರೋಟಿನ್ ಒದಗಿಸುತ್ತದೆ, ಇದನ್ನು ದೇಹವು ವಿಟಮಿನ್ ಎ ಆಗಿ ಪರಿವರ್ತಿಸುತ್ತದೆ.

• ತಲೆಕೂದಲನ್ನು ಆರೋಗ್ಯವಾಗಿಡಲು ಸೀಬಮ್ ಉತ್ಪಾದನೆಯನ್ನು ಉತ್ತೇಜಿಸುತ್ತದೆ
• ಕೂದಲಿನ ಬೆಳವಣಿಗೆಗೆ ಸಹಾಯ ಮಾಡುವ ವೇಗವಾದ ಕೋಶ ಚಕ್ರವನ್ನು ಸಾಧ್ಯವಾಗಿಸುತ್ತದೆ
• ಕೂದಲಿನ ಮಂದತೆಯನ್ನು ಕಡಿಮೆ ಮಾಡುತ್ತದೆ
• ಕೂದಲಿನ ಹಾನಿಯ ವಿರುದ್ಧ ಹೋರಾಡುವ ಆಂಟಿಆಕ್ಸಿಡೆಂಟ್‌ಗಳನ್ನು ಒಳಗೊಂಡಿವೆ

ಆವಕಾಡೊ (ಬೆಣ್ಣೆ ಹಣ್ಣು)

ಇವು ಆರೋಗ್ಯಕರ ಕೊಬ್ಬುಗಳು ಮತ್ತು ಆಂಟಿಆಕ್ಸಿಡೆಂಟ್‌ಗಳಿಂದ ಸಮೃದ್ಧವಾಗಿದ್ದು, ಕೂದಲಿನ ಶಕ್ತಿ ಮತ್ತು ಹೊಳಪನ್ನು ಹೆಚ್ಚಿಸುತ್ತವೆ.

• ತಲೆಕೂದಲಿನ ರಕ್ತದ ಹರಿವನ್ನು ಸುಧಾರಿಸಬಲ್ಲ ವಿಟಮಿನ್ ಇ ಯಿಂದ ತುಂಬಿವೆ
• ಕಾಲಜೆನ್ ಉತ್ಪಾದನೆ ಮತ್ತು ಕಿರುಕೋಶ ಶಕ್ತಿಯನ್ನು ಹೆಚ್ಚಿಸುತ್ತವೆ
• ತಲೆಕೂದಲಿನ ತೇವಾಂಶ ಸಮತೋಲನವನ್ನು ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತವೆ
• ಕಿರುಕೋಶಗಳಿಗೆ ಆಕ್ಸಿಡೇಟಿವ್ ಒತ್ತಡವನ್ನು ಕಡಿಮೆ ಮಾಡುತ್ತವೆ

ಇದನ್ನೂ ಓದಿ: ನಿಮಗೆ ಗೊತ್ತಿರದ ಬೆಣ್ಣೆ ಹಣ್ಣಿನ (ಅವಕಾಡೋ) ಪ್ರಯೋಜನಗಳು

ಒಣ ಬೀಜಗಳು

ನಿಮ್ಮ ಕೂದಲಿಗೆ ಪ್ರಯೋಜನವನ್ನು ನೀಡುವ ಅನುಕೂಲಕರ ಮತ್ತು ಪೌಷ್ಟಿಕಾಂಶ-ದಟ್ಟ ಆಹಾರ ವಾಗಿದೆ.

• ಜಿಂಕ್, ಬಿ ವಿಟಮಿನ್‌ಗಳು ಮತ್ತು ಆರೋಗ್ಯಕರ ಕೊಬ್ಬುಗಳಿಂದ ಸಮೃದ್ಧವಾಗಿವೆ
• ಬೇರುಗಳನ್ನು ಬಲಪಡಿಸಲು ಮತ್ತು ಮುರಿತವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತವೆ
• ಕೂದಲಿನ ಹೊಳಪು ಮತ್ತು ನುಣುಪನ್ನು ಸುಧಾರಿಸುತ್ತವೆ
• ತಲೆಕೂದಲಿನ ಆರೋಗ್ಯ ಮತ್ತು ನೈಸರ್ಗಿಕ ಎಣ್ಣೆ ಉತ್ಪಾದನೆಯನ್ನು ಬೆಂಬಲಿಸುತ್ತವೆ

ಬೀಜಗಳು

ಫ್ಲಾಕ್ಸ್‌ ಸೀಡ್‌ಗಳು, ಚಿಯಾ ಬೀಜಗಳು ಮತ್ತು ಸೂರ್ಯಕಾಂತಿ ಬೀಜಗಳು ಕೂದಲಿನ ಆರೈಕೆಗೆ ಉತ್ತಮವಾಗಿವೆ.

• ಕಿರುಕೋಶ ಶಕ್ತಿಯನ್ನು ಬೆಂಬಲಿಸಲು ಒಮೆಗಾ-3 ಗಳಿಂದ ಸಮೃದ್ಧವಾಗಿವೆ
• ತಲೆಕೂದಲಿನ ಬೆಂಬಲಕ್ಕಾಗಿ ವಿಟಮಿನ್ ಇ ಮತ್ತು ಸೆಲೆನಿಯಂ ಒದಗಿಸುತ್ತವೆ
• ತಲೆಕೂದಲಿನ ಒಣಗುವಿಕೆ ಮತ್ತು ಒಡಕುವಿಕೆಯನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತವೆ
• ಕಿರುಕೋಶಗಳ ಸುತ್ತಲಿನ ಕೋಶ ದುರಸ್ತಿಗೆ ಸಹಾಯ ಮಾಡುತ್ತವೆ

ದೊಣ್ಣೆ ಮೆಣಸಿನಕಾಯಿಗಳು

ಈ ಬಣ್ಣದ ತರಕಾರಿಗಳು ವಿಟಮಿನ್ ಸಿ ಮತ್ತು ಆಂಟಿಆಕ್ಸಿಡೆಂಟ್‌ಗಳಿಂದ ಸಮೃದ್ಧವಾಗಿವೆ.

• ಕಿತ್ತಳೆಗಿಂತ ಹೆಚ್ಚಿನ ವಿಟಮಿನ್ ಸಿ ಒಳಗೊಂಡಿವೆ
• ಬಲವಾದ ತಂತುಗಳಿಗಾಗಿ ಕಾಲಜೆನ್ ಉತ್ಪಾದನೆಯನ್ನು ಉತ್ತೇಜಿಸುತ್ತವೆ
• ಬೆಳವಣಿಗೆಗೆ ಅತ್ಯಗತ್ಯವಾದ ಕಬ್ಬಿಣದ ಹೀರಿಕೊಳ್ಳುವಿಕೆಯನ್ನು ಸುಧಾರಿಸುತ್ತವೆ
 • ತಲೆಕೂದಲಿನಲ್ಲಿ ಆಕ್ಸಿಡೇಟಿವ್ ಒತ್ತಡದ ವಿರುದ್ಧ ಹೋರಾಡಲು ಸಹಾಯ ಮಾಡುತ್ತವೆ

ಓಯಿಸ್ಟರ್ ಗಳು (ಮಳಿ ಅಥವಾ ಸಿಂಪಿ)

ಕೂದಲಿನ ಬೆಳವಣಿಗೆಗೆ ಅತ್ಯಗತ್ಯವಾದ ಜಿಂಕ್‌ ಹೊಂದಿರುವ ಅತ್ಯುತ್ತಮ ಪ್ರಾಣಿಗಳ ಮೂಲಗಳಲ್ಲಿ ಒಂದು.

• ಕೂದಲಿನ ತೆಳುವಾಗುವಿಕೆ ಮತ್ತು ಉದುರಿಕೆಯನ್ನು ತಡೆಯಲು ಸಹಾಯ ಮಾಡುತ್ತವೆ
• ಅಂಗಾಂಶ ಬೆಳವಣಿಗೆ ಮತ್ತು ದುರಸ್ತಿಯನ್ನು ಬೆಂಬಲಿಸುತ್ತವೆ
• ತಲೆಕೂದಲಿನ ಶಕ್ತಿಯನ್ನು ಹೆಚ್ಚಿಸುತ್ತವೆ ಮತ್ತು ಉರಿಯೂತವನ್ನು ಕಡಿಮೆ ಮಾಡುತ್ತವೆ
 • ಕಿರುಕೋಶಗಳ ಪೋಷಣೆಯನ್ನು ಸುಧಾರಿಸುತ್ತವೆ

ಕಾಳುಗಳು

ಕೈಗೆಟಕುವ ಮತ್ತು ಸಸ್ಯ-ಆಧಾರಿತವಾದ ಕಾಳುಗಳು ಪ್ರೋಟೀನ್, ಐರನ್ ಮತ್ತು ಜಿಂಕ್‌ ಅನ್ನು ಒದಗಿಸುತ್ತವೆ.

• ಬಲವಾದ ಕೂದಲಿಗಾಗಿ ಕೆರಾಟಿನ್ ನಿರ್ಮಾಣಕ್ಕೆ ಸಹಾಯ ಮಾಡುತ್ತವೆ
• ತಲೆಕೂದಲಿಗೆ ರಕ್ತದ ಹರಿವನ್ನು ಸುಧಾರಿಸಲು ಕಬ್ಬಿಣ ಅಂಶವನ್ನು ಒದಗಿಸುತ್ತವೆ
• ಬೇರಿನ ಶಕ್ತಿಯನ್ನು ಹೆಚ್ಚಿಸುವ ಬಿ ವಿಟಮಿನ್‌ಗಳನ್ನು ಒಳಗೊಂಡಿವೆ
• ಆರೋಗ್ಯಕರ ಕೂದಲಿಗೆ ಸಮತೋಲಿತ ಡಯಟ್ ನ ಉತ್ತಮ ಭಾಗ

ಸೋಯಾಬೀನ್‌ಗಳು

ಸೋಯಾಬೀನ್‌ಗಳು ಕಿರುಕೋಶ ಚಟುವಟಿಕೆ ಮತ್ತು ಕೂದಲಿನ ದಟ್ಟತನವನ್ನು ಉತ್ತೇಜಿಸುವ ಸಂಯುಕ್ತಗಳನ್ನು ಒಳಗೊಂಡಿವೆ.

• ಕೂದಲಿನ ರಚನೆಗಾಗಿ ಸಸ್ಯ-ಆಧಾರಿತ ಪ್ರೋಟೀನ್ ಒದಗಿಸುತ್ತವೆ
• ಕೂದಲಿನ ಬೆಳವಣಿಗೆ ಚಕ್ರವನ್ನು ಬೆಂಬಲಿಸುವ ಐಸೊಫ್ಲಾವೋನ್‌ಗಳಿಂದ ಸಮೃದ್ಧವಾಗಿವೆ
• ತಲೆಕೂದಲಿನ ಆರೋಗ್ಯಕ್ಕೆ ಅತ್ಯಗತ್ಯವಾದ ಕಬ್ಬಿಣ ಮತ್ತು ಜಿಂಕ್‌ ಅನ್ನು ಒಳಗೊಂಡಿವೆ
• ದುರ್ಬಲ ಅಥವಾ ಹಾನಿಗೊಳಗಾದ ಕೂದಲನ್ನು ಬಲಪಡಿಸಲು ಸಹಾಯ ಮಾಡುತ್ತವೆ

ಮಾಂಸ

ಕೊಬ್ಬುರಹಿತ ಮಾಂಸಗಳು ಕೂದಲಿನ ನಿರ್ವಹಣೆಗೆ ಅಗತ್ಯವಾದ ಪೌಷ್ಟಿಕಾಂಶಗಳಿಂದ ತುಂಬಿವೆ.

• ಕಿರುಕೋಶಗಳಿಗೆ ಆಮ್ಲಜನಕವನ್ನು ಒಯ್ಯಲು ಕೆಂಪು ರಕ್ತ ಕಣಗಳಿಗೆ ಸಹಾಯ ಮಾಡುವ ಕಬ್ಬಿಣ ಅಂಶದಿಂದ ಸಮೃದ್ಧವಾಗಿವೆ
• ರಚನೆ ಮತ್ತು ಬೆಳವಣಿಗೆಗಾಗಿ ಉತ್ತಮ-ಗುಣಮಟ್ಟದ ಪ್ರೋಟೀನ್ ಒದಗಿಸುತ್ತವೆ
 • ಅಂಗಾಂಶ ದುರಸ್ತಿ ಮತ್ತು ತಲೆಕೂದಲಿನ ಪೋಷಣೆಯನ್ನು ಬೆಂಬಲಿಸುತ್ತವೆ
 • ಬಲವಾದ, ದಟ್ಟ ತಂತುಗಳನ್ನು ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತವೆ

ಕೊನೆಯ ಮಾತು

ಸರಿಯಾದ ಆಹಾರಗಳನ್ನು ಆಯ್ಕೆ ಮಾಡುವುದು ನಿಮ್ಮ ಕೂದಲಿನ ಆರೋಗ್ಯ ಮತ್ತು ಲುಕ್ ನಲ್ಲಿ ಗಮನಾರ್ಹ ವ್ಯತ್ಯಾಸವನ್ನುಂಟುಮಾಡುತ್ತದೆ. ಮೊಟ್ಟೆಗಳು, ಗೋಡಂಬಿಗಳು, ಪಾಲಕ್ ಮತ್ತು ಕೊಬ್ಬಿನ ಮೀನಿನಂತಹ ಕೂದಲಿನ ಬೆಳವಣಿಗೆಗೆ ಉತ್ತಮ ಅಂಶಗಳನ್ನು ಹೊಂದಿರುವ ಆಹಾರವನ್ನು ಸೇವಿಸುವ ಮೂಲಕ ನಿಮ್ಮ ದೇಹಕ್ಕೆ ಬಲವಾದ, ದಟ್ಟ ಕೂದಲುಗಳನ್ನು ಬೆಳೆಸಲು ಅಗತ್ಯವಾದ ಪೌಷ್ಟಿಕಾಂಶಗಳನ್ನು ಒದಗಿಸುತ್ತೀರಿ.

ಈ ಆಹಾರಗಳು ತಲೆಕೂದಲಿನ ಆರೋಗ್ಯವನ್ನು ಹೆಚ್ಚಿಸುತ್ತವೆ, ಕೂದಲು ಮುರಿತವನ್ನು ಕಡಿಮೆ ಮಾಡುತ್ತವೆ ಮತ್ತು ಒಟ್ಟಾರೆ ಹೊಳಪನ್ನು ಜಾಸ್ತಿ ಮಾಡುತ್ತವೆ. ಆರೋಗ್ಯಕರ ಕೂದಲಿಗಾಗಿ ಸಮತೋಲಿತ ಡಯಟ್ ಯೋಜನೆ ಹೊಂದುವುದರಿಂದ ದೀರ್ಘಕಾಲೀನ ಪ್ರಯೋಜನ ಉಂಟಾಗಬಹುದು.

ನಿಮ್ಮ ಪೌಷ್ಟಿಕಾಂಶ ಸ್ಥಿತಿ ಮತ್ತು ವಿಟಮಿನ್ ಮಟ್ಟಗಳ ಬಗ್ಗೆ ಹೆಚ್ಚಿನ ಒಳನೋಟಗಳಿಗಾಗಿ, ನೀವು ನಿಯಮಿತ ಆರೋಗ್ಯ ತಪಾಸಣೆಗಳನ್ನು ಮಾಡಬಹುದು. ನಿಮ್ಮ ಪೌಷ್ಟಿಕಾಂಶ ಮಟ್ಟವನ್ನು ಚೆನ್ನಾಗಿ ಅರ್ಥಮಾಡಿಕೊಳ್ಳಲು, ಮೆಟ್ರೋಪೊಲಿಸ್ ಹೆಲ್ತ್‌ ಕೇರ್‌ ನಂತಹ ವಿಶ್ವಾಸಾರ್ಹ ಡಯಾಗ್ನಾಸ್ಟಿಕ್ ಸೆಂಟರ್ ನಲ್ಲಿ ಪರೀಕ್ಷೆಯನ್ನು ಮಾಡಿಸಿ.

ಪದೇ ಪದೇ ಕೇಳಲಾಗುವ ಪ್ರಶ್ನೆಗಳು

ಕೂದಲಿನ ಬೆಳವಣಿಗೆಗೆ ಯಾವ ಆಹಾರ ಉತ್ತಮ?

ಕೂದಲನ್ನು ದಟ್ಟವಾಗಿಸಲು ಮತ್ತು ಬೆಳವಣಿಗೆಗೆ ನೆರವಾಗುವ ಉತ್ತಮ ಆಹಾರಗಳಲ್ಲಿ ಮೊಟ್ಟೆಗಳು, ಕೊಬ್ಬಿನ ಮೀನು, ಪಾಲಕ್, ಗೋಡಂಬಿಗಳು ಮತ್ತು ಬೀಜಗಳು ಸೇರಿವೆ. ಈ ಆಹಾರಗಳು ಪ್ರೋಟೀನ್, ಕಬ್ಬಿಣ ಅಂಶ ಮತ್ತು ಬಯೋಟಿನ್‌ ನಂತಹ ಅಗತ್ಯ ಪೌಷ್ಟಿಕಾಂಶಗಳಿಂದ ತುಂಬಿವೆ. ಇವು ಕೂದಲಿನ ತಂತುಗಳು ಬಲಗೊಳಿಸುತ್ತವೆ ಮತ್ತು ಆರೋಗ್ಯಕರವಾಗಿಸುತ್ತವೆ. ಈ ಆಹಾರಗಳೊಂದಿಗೆ ಸಮತೋಲಿತ ಡಯಟ್ ಅನ್ನು ಸೇವಿಸುವುದು ಕೂದಲು ಮುರಿತವನ್ನು ಕಡಿಮೆ ಮಾಡಲು, ತಲೆಕೂದಲಿನ ಆರೋಗ್ಯವನ್ನು ಸುಧಾರಿಸಲು ಮತ್ತು ಕಾಲಾನಂತರದಲ್ಲಿ ನೈಸರ್ಗಿಕವಾಗಿ ಉತ್ತಮ ಕೂದಲಿನ ಬೆಳವಣಿಗೆಯನ್ನು ಉತ್ತೇಜಿಸಲು ಸಹಾಯ ಮಾಡುತ್ತದೆ.

ಯಾವ ಆಹಾರಗಳು ಕೂದಲನ್ನು ವೇಗವಾಗಿ ಬೆಳೆಯುವಂತೆ ಮಾಡುತ್ತವೆ?

ಪ್ರೋಟೀನ್, ವಿಟಮಿನ್‌ಗಳು ಮತ್ತು ಆರೋಗ್ಯಕರ ಕೊಬ್ಬುಗಳಿಂದ ಕೂಡಿದ ಸಮೃದ್ಧವಾದ ಆಹಾರಗಳು, ಉದಾಹರಣೆಗೆ ಮೊಟ್ಟೆಗಳು, ಅವಕಾಡೊ, ಬೆರಿಗಳು ಮತ್ತು ಸಾಲ್ಮನ್ ಕೂದಲನ್ನು ವೇಗವಾಗಿ ಬೆಳೆಯಲು ಸಹಾಯ ಮಾಡುತ್ತವೆ. ಈ ಘಟಕಾಂಶಗಳು ಕೂದಲಿನ ಕಿರುಕೋಶಗಳನ್ನು ಪೋಷಿಸುತ್ತವೆ ಮತ್ತು ತಲೆಕೂದಲಿನ ಆರೋಗ್ಯವನ್ನು ಸುಧಾರಿಸುತ್ತವೆ. ಈ ರೀತಿಯ ಪೌಷ್ಟಿಕ ಆಹಾರವನ್ನು ಸ್ಥಿರವಾಗಿ ಸೇವಿಸುವುದು ಒಟ್ಟಾರೆ ಬೆಳವಣಿಗೆಯನ್ನು ಬೆಂಬಲಿಸುತ್ತದೆ. ದಟ್ಟ ಮತ್ತು ಉದ್ದ ಕೂದಲಿಗೆ ಅಗತ್ಯವಾದ ರಚನಾತ್ಮಕ ಘಟಕಗಳನ್ನು ದೇಹಕ್ಕೆ ಒದಗಿಸುತ್ತದೆ.

ಕೂದಲನ್ನು ವೇಗವಾಗಿ ಬೆಳೆಯುವಂತೆ ಮಾಡುವುದು ಯಾವುದು?

ಕೂದಲನ್ನು ವೇಗವಾಗಿ ಬೆಳೆಸಲು, ಸರಿಯಾದ ಪೌಷ್ಟಿಕಾಂಶ, ಹೈಡ್ರೇಷನ್ ಮತ್ತು ತಲೆಕೂದಲಿನ ಆರೈಕೆಯ ಮೇಲೆ ಗಮನ ಕೇಂದ್ರೀಕರಿಸಿ. ಕೊಬ್ಬುರಹಿತ ಮಾಂಸ, ಎಲೆಕೋಸು ಮತ್ತು ಮೊಟ್ಟೆಗಳಂತಹ ಪ್ರೋಟೀನ್-ಸಮೃದ್ಧ ಆಹಾರಗಳನ್ನು ಸೇವಿಸಿ. ಒತ್ತಡವನ್ನು ನಿರ್ವಹಿಸುವುದು, ಶಾಖದಿಂದ ಉಂಟಾಗುವ ಹಾನಿಯನ್ನು ತಪ್ಪಿಸುವುದು ಮತ್ತು ನಿಯಮಿತವಾಗಿ ನಿದ್ದೆ ಮಾಡುವುದು ಇತ್ಯಾದಿ ಸಹಾಯ ಮಾಡುತ್ತದೆ. ಅತ್ಯಂತ ಮುಖ್ಯವಾಗಿ, ಕೂದಲಿಗೆ ಪೌಷ್ಟಿಕ ಆಹಾರದ ಸ್ಥಿರ ಸೇವನೆಯು ಕಿರುಕೋಶಗಳು ಆರೋಗ್ಯವಾಗಿರಲು ಮತ್ತು ವೇಗವಾದ, ಬಲವಾದ ಕೂದಲಿನ ಬೆಳವಣಿಗೆಗೆ ನೆರವಾಗುತ್ತದೆ.

ಕೂದಲಿಗೆ ಯಾವ ಹಣ್ಣು ಉತ್ತಮ?

ಬೆರಿಗಳು ನಿಮ್ಮ ಕೂದಲಿಗೆ ಉತ್ತಮ ಹಣ್ಣುಗಳಲ್ಲಿ ಒಂದಾಗಿದೆ. ಇವು ಆಂಟಿಆಕ್ಸಿಡೆಂಟ್‌ಗಳು ಮತ್ತು ವಿಟಮಿನ್ ಸಿ ಯಿಂದ ಸಮೃದ್ಧವಾಗಿದ್ದು, ಕಾಲಜೆನ್ ಉತ್ಪಾದನೆಯನ್ನು ಉತ್ತೇಜಿಸುತ್ತವೆ ಮತ್ತು ಕಬ್ಬಿಣ ಅಂಶದ ಹೀರಿಕೊಳ್ಳುವಿಕೆಯನ್ನು ಸುಧಾರಿಸುತ್ತವೆ. ಇವೆರಡೂ ಬಲವಾದ ಕೂದಲಿಗೆ ಅಗತ್ಯ. ಈ ಪ್ರಯೋಜನಗಳು ಬೆರಿಗಳನ್ನು ಕೂದಲಿನ ಬೆಳವಣಿಗೆಗೆ ಮತ್ತು ಕೂದಲು ದಟ್ಟವಾಗಲು ಆದರ್ಶ ಆಹಾರವನ್ನಾಗಿ ಮಾಡುತ್ತವೆ. ಇವು ನಿಯಮಿತವಾಗಿ ಸೇವಿಸಿದಾಗ ಕಾಲಾನಂತರ ನಿಮ್ಮ ಕೂದಲ ತಂತುಗಳು ದಟ್ಟವಾಗಿ ಮತ್ತು ಆರೋಗ್ಯಕರವಾಗಿ ಬೆಳೆಯಲು ಸಹಾಯ ಮಾಡುತ್ತವೆ.

ನನ್ನ ಕೂದಲಿನ ಬೆಳವಣಿಗೆಗೆ ಏನನ್ನು ಕುಡಿಯಬಹುದು?

ಆರೋಗ್ಯಕರ ಕೂದಲಿನ ಬೆಳವಣಿಗೆಗಾಗಿ, ಸಾಕಷ್ಟು ನೀರನ್ನು ಕುಡಿಯಿರಿ ಮತ್ತು ಪಾಲಕ್, ಆಮ್ಲಾ ಅಥವಾ ಕ್ಯಾರೆಟ್ ರಸದಂತಹ ನೈಸರ್ಗಿಕ ರಸಗಳನ್ನು ಸೇವಿಸಿ. ಇವು ವಿಟಮಿನ್‌ಗಳು ಮತ್ತು ಆಂಟಿಆಕ್ಸಿಡೆಂಟ್‌ಗಳಿಂದ ಸಮೃದ್ಧವಾಗಿದ್ದು, ಕೂದಲಿನ ಕಿರುಕೋಶಗಳನ್ನು ಬೆಂಬಲಿಸುತ್ತವೆ. ಹಸಿರು ಸೊಪ್ಪುಗಳು ಮತ್ತು ಹಣ್ಣುಗಳಿಂದ ತಯಾರಿಸಿದ ಸ್ಮೂಥಿಗಳು ಕೂಡ ಕೂದಲಿಗೆ ಪೌಷ್ಟಿಕ ಆಹಾರದ ದ್ರವ ಮೂಲವಾಗಿ ಕಾರ್ಯನಿರ್ವಹಿಸುತ್ತವೆ. ನಿಮ್ಮ ಕೂದಲ ತಂತುಗಳಿಗೆ ಅಗತ್ಯವಾದ ಹೈಡ್ರೇಷನ್ ಮತ್ತು ಪೌಷ್ಟಿಕಾಂಶಗಳನ್ನು ಒದಗಿಸುತ್ತವೆ.

ಕೂದಲಿಗೆ ಯಾವ ಹಣ್ಣು ಒಳ್ಳೆಯದು?

ಕಿತ್ತಳೆ ಮತ್ತು ನಿಂಬೆಯಂತಹ ಸಿಟ್ರಸ್ ಹಣ್ಣುಗಳು ವಿಟಮಿನ್ ಸಿಯಿಂದ ಸಮೃದ್ಧವಾಗಿದ್ದು, ಕಾಲಜೆನ್ ಉತ್ಪಾದನೆಗೆ ಮತ್ತು ತಲೆಕೂದಲಿನ ಆರೋಗ್ಯಕ್ಕೆ ನೆರವಾಗುವುದರಿಂದ ಕೂದಲಿಗೆ ಉತ್ತಮವಾಗಿವೆ. ಇತರ ಒಳ್ಳೆಯ ಆಯ್ಕೆಗಳಲ್ಲಿ ಪಪ್ಪಾಯ ಮತ್ತು ಪೇರಳೆ ಸೇರಿವೆ. ಈ ಹಣ್ಣುಗಳು ಒಳಗಿನಿಂದ ಪೋಷಿಸುವುದಲ್ಲದೆ, ನಿಯಮಿತವಾಗಿ ಸೇವಿಸಿದಾಗ ಕೂದಲಿನ ಬೆಳವಣಿಗೆ ಮತ್ತು ಕೂದಲು ದಟ್ಟವಾಗಲು ನೆರವಾಗುತ್ತವೆ.