ವಯಸ್ಸು ಮತ್ತು ಲಿಂಗದ ಆಧಾರದ ಮೇಲೆ ರಕ್ತದೊತ್ತಡದ ಮಟ್ಟವನ್ನು ತಿಳಿದುಕೊಳ್ಳಿ

ನಮ್ಮ ಒಟ್ಟಾರೆ ಆರೋಗ್ಯಕ್ಕೆ ರಕ್ತದೊತ್ತಡ (ಬಿಪಿ) ಸರಿಯಾಗಿರುವುದು ಬಹಳ ಮುಖ್ಯ. ಅಲ್ಲದೇ ರಕ್ತದೊತ್ತಡವನ್ನು ಅಳೆಯುವುದು ಹೃದಯದ ಆರೋಗ್ಯವನ್ನು ಮೌಲ್ಯಮಾಪನ ಮಾಡುವಲ್ಲಿ ಮಹತ್ವದ ಪಾತ್ರ ವಹಿಸುತ್ತದೆ. ವಯಸ್ಸಿನ ಆಧಾರದ ಮೇಲೆ ರಕ್ತದೊತ್ತಡದ ಚಾರ್ಟ್‌ ನ ವ್ಯತ್ಯಾಸಗಳನ್ನು ಅರ್ಥಮಾಡಿಕೊಳ್ಳುವುದು ವೈದ್ಯಕೀಯ ಸಿಬ್ಬಂದಿಗಳಿಗೆ ಮತ್ತು ವ್ಯಕ್ತಿಗಳಿಗೆ ಅತ್ಯಗತ್ಯವಾಗಿದೆ. ಸಾಮಾನ್ಯ ರಕ್ತದೊತ್ತಡದ ಶ್ರೇಣಿಗಳನ್ನು ವಿಶ್ಲೇಷಿಸುವ ಮೂಲಕ, ಜೀವನದ ವಿವಿಧ ಹಂತಗಳಲ್ಲಿ ಹೃದದ ಆರೋಗ್ಯವನ್ನು ಮೌಲ್ಯಮಾಪನ, ಮೇಲ್ವಿಚಾರಣೆ ಮತ್ತು ನಿರ್ವಹಣೆಗೆ ಸಂಬಂಧಿಸಿದ ಮೌಲ್ಯಯುತ ಒಳನೋಟಗಳನ್ನು ಪಡೆಯಬಹುದು. ಈ ಬರಹವು ವಯಸ್ಸಿನ ಆಧಾರದ ರಕ್ತದೊತ್ತಡದ ಚಾರ್ಟ್‌ನ ವಿಷಯವನ್ನು ಚರ್ಚಿಸುಲಿದ್ದು, ರಕ್ತದೊತ್ತಡದ ಸಾಮಾನ್ಯ ಶ್ರೇಣಿಯ ಮಹತ್ವ ಮತ್ತು ಆರೋಗ್ಯಕರ ರಕ್ತದೊತ್ತಡವನ್ನು ಕಾಪಾಡಿಕೊಳ್ಳುವ ಅಗತ್ಯದ ಕುರಿತು ತಿಳಿಸುತ್ತದೆ. ಇಲ್ಲಿ ವಯಸ್ಸಿನ ಆಧಾರದ ರಕ್ತದೊತ್ತಡದ ಚಾರ್ಟ್ ಕೂಡ ಒದಗಿಸಲಾಗಿದೆ.

ರಕ್ತದೊತ್ತಡ ಕುರಿತ ವಿವರಣೆ

ಎಲ್ಲಕ್ಕಿಂತ ಮೊದಲು ಕೆಲವು ಮೂಲಭೂತ ವಿಷಯಗಳನ್ನು ಅರ್ಥಮಾಡಿಕೊಳ್ಳುವುದು ಅತ್ಯಗತ್ಯ. ರಕ್ತದೊತ್ತಡವು ರಕ್ತನಾಳಗಳ ಗೋಡೆಗಳ ಮೇಲೆ ರಕ್ತದ ಸಂಚಾರದಿಂದ ಉಂಟುಮಾಡುವ ಒತ್ತಡದ ಪ್ರಮಾಣವಾಗಿದೆ. ಇದನ್ನು ಸಿಸ್ಟೊಲಿಕ್ ಮತ್ತು ಡಯಾಸ್ಟೊಲಿಕ್ ಪ್ರೆಷರ್ ಎಂಬ ಎರಡು ಮಾಪಕಗಳ ಮೂಲತ ತಿಳಿಸಲಾಗುತ್ತದೆ. ಸಿಸ್ಟೊಲಿಕ್ ಒತ್ತಡವು ಹೃದಯ ಸಂಕುಚನಗೊಂಡಾಗಿನ ಗರಿಷ್ಠ ಒತ್ತಡವನ್ನು ಸೂಚಿಸುತ್ತದೆ, ಡಯಾಸ್ಟೊಲಿಕ್ ಒತ್ತಡವು ಹೃದಯವು ಬಡಿತಗಳ ನಡುವೆ ವಿಶ್ರಾಂತಿಯಲ್ಲಿರುವಾಗ ಧಮನಿಯ ಕನಿಷ್ಠ ಒತ್ತಡವನ್ನು ಸೂಚಿಸುತ್ತದೆ.

ವಯಸ್ಸಿನ ಮೇಲೆ ರಕ್ತದೊತ್ತಡದ ಪ್ರಭಾವ
 ಅನೇಕ ಅಧ್ಯಯನಗಳು ರಕ್ತದೊತ್ತಡವು ಕೂಡ ಭೌತಿಕ ಬದಲಾವಣೆಗಳಂತೆಯೇ ಕಾಲಾನಂತರದಲ್ಲಿ ಬದಲಾಗುತ್ತದೆ ಎಂದು ತಿಳಿಸಿವೆ. ರಕ್ತದೊತ್ತಡವು ವಯಸ್ಸಾದಂತೆ ಸಂಭವಿಸುವ ಶಾರೀರಿಕ ಬದಲಾವಣೆಗಳನ್ನು ತೋರಿಸುತ್ತದೆ. ಬಾಲ್ಯ ಮತ್ತು ಯೌವನದ ಸಮಯದಲ್ಲಿ ರಕ್ತದೊತ್ತಡವು ಸಾಮಾನ್ಯವಾಗಿ ಹೃದಯ ವ್ಯವಸ್ಥೆಯ ಬೆಳವಣಿಗೆ ಮತ್ತು ಅಭಿವೃದ್ಧಿಗೆ ಅನುಗುಣವಾಗಿ ಹೆಚ್ಚಾಗುತ್ತಾ ಹೋಗುತ್ತದೆ. ವಯಸ್ಕರಾಗುತ್ತಿದ್ದಂತೆ ಮತ್ತು ವೃದ್ಧಾಪ್ಯದಲ್ಲಿ ರಕ್ತದೊತ್ತಡದ ವ್ಯತ್ಯಾಸಗಳು ಮೇಲೆ ಹೆಚ್ಚು ಗಮನ ನೀಡಬೇಕಾಗುತ್ತದೆ.

ವಯಸ್ಸಿನ ಆಧಾರದ ಮೇಲೆ ರಕ್ತದೊತ್ತಡದ ಸಾಮಾನ್ಯ ಶ್ರೇಣಿಗಳು
 ವ್ಯಕ್ತಿಯ ಹೃದಯದ ಆರೋಗ್ಯದ ಸ್ಥಿತಿಯನ್ನು ನಿಖರವಾಗಿ ಅಳೆಯಲು, ವೈದ್ಯಕೀಯ ತಜ್ಞರು ವಯಸ್ಸಿನ ಆಧಾರದ ಮೇಲೆ ವರ್ಗೀಕರಿಸಲಾದ ರಕ್ತದೊತ್ತಡದ ಚಾರ್ಟ್‌ ಗಳನ್ನು ಬಳಸುತ್ತಾರೆ. ಸಾಮಾನ್ಯ ಶ್ರೇಣಿಗಳು ಸಾಮಾನ್ಯವಾಗಿ ಕೆಲವು ಸಲ ಸ್ವಲ್ಪ ವ್ಯತ್ಯಾಸವಾಗಬಹುದು. ಆದ್ದರಿಂದ, ರಕ್ತದೊತ್ತಡದ ಮೌಲ್ಯಗಳನ್ನು ಮೌಲ್ಯಮಾಪನ ಮಾಡುವಾಗ ವಿವಿಧ ರೀಡಿಂಗ್ ಗಳನ್ನು ಪರಿಗಣಿಸಬೇಕು. ಆದಾಗ್ಯೂ, ವಯಸ್ಕರ ಸಾಮಾನ್ಯ ರಕ್ತದೊತ್ತಡದ ಶ್ರೇಣಿಯನ್ನು ಸಾಮಾನ್ಯವಾಗಿ ಸಿಸ್ಟೊಲಿಕ್ ಪ್ರೆಷರ್ 120 ಎಂಎಂ ಎಚ್‌ಜಿಗಿಂತ ಕಡಿಮೆ ಇರಬೇಕು ಮತ್ತು ಡಯಾಸ್ಟೊಲಿಕ್ ಒತ್ತಡ 80 ಎಂಎಂ ಎಚ್‌ಜಿಗಿಂತ ಕಡಿಮೆ ಇರಬೇಕು ಎಂದು ವ್ಯಾಖ್ಯಾನಿಸಲಾಗುತ್ತದೆ.

ವಿವಿಧ ವಯಸ್ಸಿನ ಗುಂಪುಗಳ ರಕ್ತದೊತ್ತಡದ ಚಾರ್ಟ್

ವಯಸ್ಸಿನ ಆಧಾರದ ರಕ್ತದೊತ್ತಡದ ಚಾರ್ಟ್‌ ಅನ್ನು ನೀವು ಹುಡುಕುತ್ತಿದ್ದರೆ, ನೀವು ಈ ಕೆಳಗೆ ಒದಗಿಸಲಾದ ಚಾರ್ಟ್ ಅನ್ನು ಬಳಸಬಹುದು:

ವಿವಿಧ ವಯಸ್ಸಿನ ಗುಂಪುಗಳಿಗೆ ರಕ್ತದೊತ್ತಡದ ಕುರಿತು ಹೆಚ್ಚಿನ ವಿವರಗಳು:

ಯುವ ಪೀಳಿಗೆ (18-39 ವರ್ಷಗಳು)

ಈ ವಯಸ್ಸಿನ ಗುಂಪಿನಲ್ಲಿ ರಕ್ತದೊತ್ತಡವು ತುಲನಾತ್ಮಕವಾಗಿ ಸ್ಥಿರವಾಗಿರುತ್ತದೆ. ಈ ವಯಸ್ಸಿನ ಹೆಚ್ಚಿನ ವ್ಯಕ್ತಿಗಳು ಮೇಲೆ ತಿಳಿಸಲಾದ ಸಾಮಾನ್ಯ ಶ್ರೇಣಿಯೊಳಗೆ ಇರುತ್ತಾರೆ. ಆದರೆ, ಯಾವುದೇ ಸಂಭಾವ್ಯ ಅಸಾಮಾನ್ಯತೆಗಳನ್ನು ಪತ್ತೆಹಿಡಿಯಲು ರಕ್ತದೊತ್ತಡವನ್ನು ನಿಯಮಿತವಾಗಿ ಮೇಲ್ವಿಚಾರಣೆ ಮಾಡುವುದು ಮುಖ್ಯ.

ಮಧ್ಯ ವಯಸ್ಕರು (40-59 ವರ್ಷಗಳು)

ವ್ಯಕ್ತಿಗಳು ಮಧ್ಯವಯಸ್ಸನ್ನು ಸಮೀಪಿಸುವಾಗ, ರಕ್ತದೊತ್ತಡವು ಕ್ರಮೇಣ ಹೆಚ್ಚಾಗಬಹುದು. ಈ ಹಂತದಲ್ಲಿ ಆಹಾರ ಮತ್ತು ವ್ಯಾಯಾಮದಂತಹ ಜೀವನಶೈಲಿಯ ತಿದ್ದುಪಡಿಗಳು ಆರೋಗ್ಯಕರ ರಕ್ತದೊತ್ತಡ ಕಾಪಾಡಿಕೊಳ್ಳುವಲ್ಲಿ ಪ್ರಮುಖ ಪಾತ್ರವನ್ನು ವಹಿಸುತ್ತವೆ.

ವೃದ್ಧಾಪ್ಯ (60+ ವರ್ಷಗಳು)

ಜೀವನದ ನಂತರದ ಹಂತಗಳಲ್ಲಿ ರಕ್ತದೊತ್ತಡವು ಮತ್ತಷ್ಟು ಏರಿಕೆಯಾಗುವ ಸಾಧ್ಯತೆಯಿದೆ. ರಕ್ತದೊತ್ತಡವನ್ನು ಮೇಲ್ವಿಚಾರಣೆ ಮಾಡುವುದು ಇನ್ನಷ್ಟು ಮುಖ್ಯವಾಗುತ್ತದೆ, ಏಕೆಂದರೆ ಉನ್ನತ ರಕ್ತದೊತ್ತಡ ಇದ್ದರೆ ಹೃದಯ ರೋಗ ಮತ್ತು ಸ್ಟ್ರೋಕ್‌ ನಂತಹ ಗಂಭೀರ ತೊಡಕುಗಳಿಗೆ ಕಾರಣವಾಗಬಹುದು.

ಸಾಮಾನ್ಯ ರಕ್ತದೊತ್ತಡ ಶ್ರೇಣಿಗಳನ್ನು ಅರ್ಥಮಾಡಿಕೊಳ್ಳುವ ಮಹತ್ವ

ವಯಸ್ಸಿನ ಆಧಾರದ ಸಾಮಾನ್ಯ ರಕ್ತದೊತ್ತಡದ ಶ್ರೇಣಿಗಳನ್ನು ಅರ್ಥಮಾಡಿಕೊಳ್ಳುವುದರಿಂದ, ಮಾದರಿಗಳನ್ನು ಗುರುತಿಸಬಹುದು, ಸಂಭಾವ್ಯ ಆರೋಗ್ಯ ಅಪಾಯಗಳನ್ನು ಪತ್ತೆಹಿಡಿಯಬಹುದು ಮತ್ತು ಹೃದಯದ ಆರೋಗ್ಯವನ್ನು ಕಾಪಾಡಿಕೊಳ್ಳಲು ಕ್ರಿಯಾತ್ಮಕ ಕ್ರಮಗಳನ್ನು ತೆಗೆದುಕೊಳ್ಳಬಹುದು. ನಿಯಮಿತ ರಕ್ತದೊತ್ತಡದ ತಪಾಸಣೆ, ಆರೋಗ್ಯಕರ ಜೀವನಶೈಲಿಯನ್ನು ಅನುಸರಿಸುವುದು ಮತ್ತು ಅಗತ್ಯವಿರುವ ವೈದ್ಯಕೀಯ ಕ್ರಮಗಳನ್ನು ಅಳವಡಿಸಿಕೊಳ್ಳುವುದು ಹೃದಯದ ಕಾಯಿಲೆಗಳನ್ನು ತಡೆಗಟ್ಟಲು ಮತ್ತು ಒಟ್ಟಾರೆ ಜೀವನದ ಗುಣಮಟ್ಟವನ್ನು ಹೆಚ್ಚಿಸಲು ಪ್ರಮುಖ ಹೆಜ್ಜೆಗಳಾಗಿವೆ.

ವಯಸ್ಸಿನ ಆಧಾರದ ಮೇಲೆ ರಕ್ತದೊತ್ತಡಕ್ಕೆ ಸಂಬಂಧಿಸಿದ ಸಂಭಾವ್ಯ ಸಮಸ್ಯೆಗಳು

ವಯಸ್ಸಿನ ಆಧಾರದಲ್ಲಿ ಹೆಚ್ಚು ರಕ್ತದೊತ್ತಡ ಇದ್ದರೆ ಏನೇನು ಸಮಸ್ಯೆ ಉಂಟಾಗಬಹುದು ಎಂಬ ಮಾಹಿತಿ ಈ ಕೆಳಗಿನಂತಿದೆ:

ಬಾಲಕರು ಮತ್ತು ಯುವ ವಯಸ್ಕರು

ವ್ಯಕ್ತಿಯು ಯೌವನದ ಹಂತಕ್ಕೆ ಪ್ರವೇಶಿಸಿದಾಗ ರಕ್ತದೊತ್ತಡದ ಏರಿಕೆ ಸೇರಿದಂತೆ ಹಲವು ಶಾರೀರಿಕ ಬದಲಾವಣೆಗಳು ಸಂಭವಿಸಬಹುದು. ಕಳಪೆ ಆಹಾರ ಸೇವನೆ ಮತ್ತು ದೈಹಿಕ ಚಟುವಟಿಕೆಯ ಕೊರತೆಯಂತಹ ಜೀವನಶೈಲಿಯ ಅಂಶಗಳು ಹಾರ್ಮೋನ್ ಬದಲಾವಣೆಗಳು, ದೈಹಿಕ ಅಭಿವೃದ್ಧಿ ಮತ್ತು ರಕ್ತದೊತ್ತಡ ಏರಿಕೆಯ ಮೇಲೆ ಪರಿಣಾಮ ಬೀರುತ್ತವೆ. ಈ ವಯಸ್ಸಿನ ಗುಂಪಿನಲ್ಲಿ ರಕ್ತದೊತ್ತಡದ ಏರಿಕೆಯ ಪ್ರಮಾಣ ಹೆಚ್ಚಾಗಿದ್ದು, ಇದು ಹೆಚ್ಚುತ್ತಿರುವ ಸ್ಥೂಲಕಾಯದ ದರಗಳು ಮತ್ತು ದೈಹಿಕ ವ್ಯಾಯಾಮದ ಕೊರತೆಗೆ ಸಂಬಂಧಿಸಿರಬಹುದಾಗಿದೆ. ಈ ಪ್ರಮಾಣವು ಆರೋಗ್ಯಕರ ಜೀವನಶೈಲಿಯ ಆಯ್ಕೆಗಳನ್ನು ಪಾಲಿಸಲು ಮತ್ತು ಕಿಶೋರಾವಸ್ಥೆಯಲ್ಲಿ ರಕ್ತದೊತ್ತಡದ ಏರಿಕೆಯ ಅಪಾಯವನ್ನು ಕಡಿಮೆ ಮಾಡಲು ತಡೆಗಟ್ಟುವ ಕ್ರಮಗಳನ್ನು ಜಾರಿಗೆ ತರುವ ಮಹತ್ವವನ್ನು ಸಾರುತ್ತವೆ.

ಮಧ್ಯ ವಯಸ್ಕರು

ವಯಸ್ಸಾದಂತೆ ರಕ್ತನಾಳಗಳಲ್ಲಿ ಮತ್ತು ರಕ್ತನಾಳಗಳ ದೃಢತೆಯ ಗುಣಲಕ್ಷಣಗಳಲ್ಲಿ ಸಂಭವಿಸುವ ಬದಲಾವಣೆಗಳಿಂದಾಗಿ, ಮಧ್ಯವಯಸ್ಕ ವ್ಯಕ್ತಿಗಳು ಸಾಮಾನ್ಯವಾಗಿ ರಕ್ತದೊತ್ತಡದ ಕ್ರಮೇಣ ಏರಿಕೆಯನ್ನು ಎದುರಿಸುತ್ತಾರೆ. ರಕ್ತದೊತ್ತಡದ ಏರಿಕೆಯನ್ನು ನಿಯಂತ್ರಿಸದಿದ್ದರೆ, ರಕ್ತದೊತ್ತಡದ ಏರಿಕೆಯು ಹೃದಯ ರೋಗ, ಸ್ಟ್ರೋಕ್ ಮತ್ತು ಇತರ ಹೃದಯದ ಸಮಸ್ಯೆಗಳಿಗೆ ಕಾರಣವಾಗುವ ಪ್ರಮುಖ ಅಪಾಯಕಾರಿ ಅಂಶವಾದ ಹೈಪರ್‌ಟೆನ್ಷನ್‌ಗೆ ಕಾರಣವಾಗಬಹುದು. ಈ ಜೀವನದ ಹಂತದಲ್ಲಿ ಆದರ್ಶ ರಕ್ತದೊತ್ತಡದ ಮಟ್ಟವನ್ನು ಕಾಪಾಡಿಕೊಳ್ಳಲು ನಿಯಮಿತ ರಕ್ತದೊತ್ತಡದ ಮೇಲ್ವಿಚಾರಣೆ, ಪೌಷ್ಟಿಕ ಆಹಾರ, ನಿಯಮಿತ ವ್ಯಾಯಾಮ ಮತ್ತು ಒತ್ತಡ ನಿರ್ವಹಣೆ ಅಗತ್ಯ.

ಹಿರಿಯ ನಾಗರಿಕರು

ವಯಸ್ಸಾದಂತೆ ಧಮನಿಗಳ ಗೋಡೆಗಳಲ್ಲಿ ಬದಲಾವಣೆಗಳು ಮತ್ತು ದೃಢತೆ ಕಡಿಮೆಯಾಗುವುದರಿಂದ ರಕ್ತದೊತ್ತಡವು ಇನ್ನಷ್ಟು ಏರಿಕೆಯಾಗುವ ಸಾಧ್ಯತೆಯಿದೆ. ವಯಸ್ಸಿನೊಂದಿಗೆ ರಕ್ತದೊತ್ತಡವು ಏರಿಕೆಯಾಗಬಹುದು, ಇದು ಹೃದಯದ ಕಾಯಿಲೆ, ಸ್ಟ್ರೋಕ್ ಮತ್ತು ಮೂತ್ರಪಿಂಡದ ಹಾನಿ ಉಂಟಾಗುವ ಅಪಾಯವನ್ನು ಹೆಚ್ಚಿಸುತ್ತದೆ. ಆದರೆ, ಹಿರಿಯ ನಾಗರಿಕರಲ್ಲಿ ರಕ್ತದೊತ್ತಡದ ಏರಿಕೆಗೆ ಸೂಕ್ತ ಚಿಕಿತ್ಸೆ ನೀಡುವುದರಿಂದ ಈ ಅಪಾಯಗಳನ್ನು ಗಣನೀಯವಾಗಿ ಕಡಿಮೆ ಮಾಡಬಹುದು ಎಂಬುದಕ್ಕೆ ಬಲವಾದ ಸಾಕ್ಷ್ಯಾಧಾರಗಳಿವೆ. ಆದ್ದರಿಂದ, ನಿಯಮಿತ ರಕ್ತದೊತ್ತಡದ ತಪಾಸಣೆ, ವೈಯಕ್ತೀಕರಿಸಿದ ಚಿಕಿತ್ಸಾ ಯೋಜನೆಗಳು ಮತ್ತು ಜೀವನಶೈಲಿಯ ಬದಲಾವಣೆಗಳನ್ನು ಮಾಡುವುದು, ವಯಸ್ಸಾದ ವ್ಯಕ್ತಿಗಳ ಆರೋಗ್ಯದ ಮೇಲೆ ವಯಸ್ಸಿಗೆ ಸಂಬಂಧಿಸಿದ ರಕ್ತದೊತ್ತಡದ ವ್ಯತ್ಯಾಸಗಳ ನಕರಾತ್ಮಕ ಪರಿಣಾಮಗಳನ್ನು ಕಡಿಮೆ ಮಾಡಲು ಮುಖ್ಯವಾಗಿದೆ.

ರಕ್ತ ಪರೀಕ್ಷೆಯನ್ನು ಬುಕ್ ಮಾಡಿ

ಸಾರಾಂಶ

ವಯಸ್ಸು ಮತ್ತು ಲಿಂಗದ ಆಧಾರದ ರಕ್ತದೊತ್ತಡದ ಚಾರ್ಟ್ ಅನ್ನು ಅರ್ಥಮಾಡಿಕೊಳ್ಳುವುದರಿಂದ ಸಾಮಾನ್ಯ ಶ್ರೇಣಿಗಳನ್ನು ತಿಳಿಯಲು ಮತ್ತು ಒಟ್ಟಾರೆ ಆರೋಗ್ಯದ ಮೇಲೆ ಉಂಟಾಗುವ ಪರಿಣಾಮಗಳನ್ನು ಅರ್ಥಮಾಡಿಕೊಳ್ಳಲು ನೆರವಾಗುತ್ತದೆ. ಈ ಜ್ಞಾನವನ್ನು ಬಳಸಿಕೊಂಡು, ವ್ಯಕ್ತಿಗಳು ಆರೋಗ್ಯಕರ ರಕ್ತದೊತ್ತಡ ಮಟ್ಟವನ್ನು ಕಾಪಾಡಿಕೊಳ್ಳಲು ಬೇಕಾದ ಕ್ರಿಯಾತ್ಮಕ ಕ್ರಮಗಳನ್ನು ತೆಗೆದುಕೊಳ್ಳಬಹುದು. ಇದರಿಂದಾಗಿ ಹೃದಯದ ಕಾಯಿಲೆಗಳಿಗೆ ಸಂಬಂಧಿಸಿದ ಅಪಾಯಗಳನ್ನು ಕಡಿಮೆ ಮಾಡಬಹುದು. ಈ ಮಾಹಿತಿಯನ್ನು ಹೊಂದಿರುವ ವೈದ್ಯಕೀಯ ತಜ್ಞರು ವಿವಿಧ ವಯಸ್ಸಿನ ಗುಂಪುಗಳಿಗೆ ಹೃದಯದ ಆರೋಗ್ಯವನ್ನು ಹೆಚ್ಚಿಸಲು ಅವಶ್ಯವಿರುವ ಮಾಹಿತಿ, ಕ್ರಮ ಪಾಲನೆಗೆ ಸೂಚಿಸಬಹುದು. ಆದ್ದರಿಂದ, ವಯಸ್ಸಿನ ಆಧಾರದ ಸಾಮಾನ್ಯ ರಕ್ತದೊತ್ತಡದ ಶ್ರೇಣಿಗಳ ಬಗ್ಗೆ ತಿಳಿಯುವ ಕುರಿತು ಜಾಗೃತಿ ಮೂಡಿಸುವುದು ಮುಖ್ಯವಾಗಿದೆ. ಏಕೆಂದರೆ ಇದು ವ್ಯಕ್ತಿಗಳಿಗೆ ತಮ್ಮ ಹೃದಯದ ಆರೋಗ್ಯದ ಕುರಿತು ನಿಯಂತ್ರಣವನ್ನು ಹೊಂದಲು ಅನುವು ಮಾಡಿಕೊಡುತ್ತದೆ.

ನೀವು ರಕ್ತದೊತ್ತಡವನ್ನು ತಪಾಸಣೆ ಮಾಡಲು ಬಯಸಿದರೆ, ಮೆಟ್ರೋಪೊಲಿಸ್ ಹೆಲ್ತ್‌ ಕೇರ್ ಒಂದು ಉತ್ತಮ ಆಯ್ಕೆಯಾಗಿದೆ. ಮೆಟ್ರೋಪೊಲಿಸ್ ಹೆಲ್ತ್‌ ಕೇರ್ ಸೆಂಟರ್ ಸ್ವಚ್ಛ ಮತ್ತು ಆರಾಮದಾಯಕ ವಾತಾವರಣ ಹೊಂದಿದ್ದು, ಕೌಶಲ್ಯಪೂರ್ಣ ಮತ್ತು ಜ್ಞಾನವುಳ್ಳ ಸಿಬ್ಬಂದಿಗಳ ಮೂಲಕ ಸಮಗ್ರ ವೈದ್ಯಕೀಯ ಸೇವೆಗಳನ್ನು ಒದಗಿಸುತ್ತದೆ. ಮೆಟ್ರೋಪೊಲಿಸ್ ಹೆಲ್ತ್‌ ಕೇರ್ ಸುಧಾರಿತ ತಂತ್ರಜ್ಞಾನ ಮತ್ತು ಅನುಭವಿ ವೃತ್ತಿಪರರನ್ನು ಬಳಸಿಕೊಂಡು ರಕ್ತದೊತ್ತಡದ ತಪಾಸಣೆ ಮತ್ತು ಇತರ ವೈದ್ಯಕೀಯ ಪರೀಕ್ಷೆಗಳನ್ನು ದಕ್ಷತೆಯಿಂದ ಮತ್ತು ನಿಖರವಾಗಿ ಒದಗಿಸುತ್ತದೆ. ಅವರು ಗ್ರಾಹಕರಿಗೆ ಆನ್‌ಲೈನ್‌ನಲ್ಲಿ ಅಪಾಯಿಂಟ್‌ಮೆಂಟ್ ಬುಕ್ ಮಾಡಲು ಮತ್ತು ಪಾವತಿಗಳನ್ನು ತ್ವರಿತವಾಗಿ ಮಾಡಲು ಅನುವು ಮಾಡಿಕೊಡುವ ಆನ್‌ಲೈನ್ ವೇದಿಕೆಯನ್ನು ಸಹ ಹೊಂದಿದ್ದಾರೆ. ಅನುಕೂಲಕರ ಕಾರ್ಯಾವಧಿ ಮತ್ತು ಜನಸ್ನೇಹಿ ಸಿಬ್ಬಂದಿ ಹೊಂದಿರುವ ಮೆಟ್ರೋಪೊಲಿಸ್ ಹೆಲ್ತ್‌ ಕೇರ್ ಸೆಂಟರ್ ರಕ್ತದೊತ್ತಡವನ್ನು ತಪಾಸಣೆ ಮಾಡಲು ಬಯಸುವ ಯಾರಿಗಾದರೂ ಉತ್ತಮ ಆಯ್ಕೆಯಾಗಿದೆ.

ಪುರುಷರು ಮತ್ತು ಮಹಿಳೆಯರ ಆರೋಗ್ಯಕರ ರಕ್ತದೊತ್ತಡ ಮಟ್ಟ

• 18-39 ವರ್ಷಗಳ ಪುರುಷರಿಗೆ ಆರೋಗ್ಯಕರ ರಕ್ತದೊತ್ತಡ 119/70 ಎಂಎಂ ಎಚ್‌ಜಿ ಮತ್ತು ಮಹಿಳೆಯರಿಗೆ 110/68 ಎಂಎಂ ಎಚ್‌ಜಿ.
 • 40-56 ವರ್ಷಗಳ ಪುರುಷರಿಗೆ ಆರೋಗ್ಯಕರ ರಕ್ತದೊತ್ತಡ 124/77 ಎಂಎಂ ಎಚ್‌ಜಿ ಮತ್ತು ಮಹಿಳೆಯರಿಗೆ 122/74 ಎಂಎಂ ಎಚ್‌ಜಿ.
 • 60+ ವರ್ಷಗಳ ಪುರುಷರಿಗೆ ಆರೋಗ್ಯಕರ ರಕ್ತದೊತ್ತಡ 133/69 ಎಂಎಂ ಎಚ್‌ಜಿ ಮತ್ತು ಮಹಿಳೆಯರಿಗೆ 139/68 ಎಂಎಂ ಎಚ್‌ಜಿ.